പാതി ബോധത്തില്‍,
സഞ്ചാരം.
ലഹരിയുടെ ചിറകിലേറി
ഭാവനയുടെ ലോകത്തേക്ക്
കാല്പനികതയിലൂടെ ഒരു യാത്ര.
ദുഃഖങ്ങള്‍ ഇല്ലാത്ത ഭൂമി തേടി
പരമാനന്ദത്തിന്‍ പാത തേടി
ഭയമെന്ന വാക്കിനര്‍ത്ഥം അറിയാതെ
എങ്ങു നിന്നോ തുടങ്ങിയ ഈ യാത്ര.
നുരഞ്ഞു പതയുന്ന മദ്യവും,
കള്ളും, കഞ്ചാവും കൂട്ടുകാരായി
ലക്ഷ്യങ്ങളില്ലാതെ തുടരുന്നു...
എത്ര ദൂരം താണ്ടിയെന്നറിയില്ല,
ഇനി എത്ര പോകാനുണ്ടെന്നും അറിയില്ല,
യാത്രയാവട്ടെ ഞാന്‍, ഇവിടെ നിന്നും,
അവസാനിക്കരുതെ ഒരിക്കലും
എന്നാശിക്കുന്ന ഈ യാത്ര.
